मकवानपुरको पूर्वी क्षेत्र भएर बहने बकैया खोलाले एक युवकलाई बगाएको छ।
शुक्रबार साँझ बकैया ६ जुईना स्थित बकैया खोला तर्ने क्रममा रौतहट पौराई गाउँपालिका २ घर भई हाल मकवानपुर बकैया-६ जसपाल स्थित फास्ट ट्याकमा काम गर्दै आएका अन्दाजी २८ वर्षीय अकले माझी रहेको मकवानपुर प्रहरी प्रवक्ता प्रहरी नायब उपरीक्षक लक्ष्मी भण्डारीले जानकारी दिएका छन् । माझी ससुराली जाने हिडेको र खोला तर्ने क्रममा बगाएको भन्ने जानकारी आएको र प्रहरी चौकी गरगरेको टोली घटनास्थल पुगेको छ । बेपत्ता भएकाको खोजतलासका लागि इलाका प्रहरी कार्यालय निजगढसंग समन्वय भईरहेको डिएसपी भण्डारीले जनाएका छन् ।