Shubhasamya.com

हेटौंडा ।बागमती प्रदेशको राजधानी हेटौंडामा बेरोजगार युवायुवतीलाई स्वदेशमै स्वरोजगार बनाउन उद्श्यले  वारिष्टा (कफी बनाउने) तालिम प्रदान गरिएको छ।

प्रदेश प्राविधिक तथा व्यावसायिक शिक्षा एवम् तालिम परिषद् हेटौंडाको आयोजनामा ३ सय ९० घण्टे नि:शुल्क तालिम दिन लागिएको हो ।

प्रदेश प्राविधिक तथा व्यावसायिक शिक्षा एवम् तालिम परिषद् हेटौंडाकी प्रमुख कार्यकारी निर्देशक शान्ति लामा र हेटौंडा ५ का वडाअध्यक्ष सुशील घिमिरेले नि:शुल्क तालिमको बुधबार उद्घाटन गरेका हुन् ।

कार्यक्रममा मकवानपुर होटल एसोसिएसनका महासचिव हरिगोपाल सापकोटा, जिल्ला लघुउद्यमी समूह संघ (डिमेगा) मकवानपुरकि सचिव मेनका श्रेष्ठले तालिमको महत्वबारे प्रकाश पारेका थिए। तालिमको प्रशिक्षकहरुमा रमन कुमार यादव र ममता तामाङ रहेकी छन् । तालिममा २० जनाको सहभागिता रहेको जनाइएको छ।