२६ भाद्र २०७७ , काठमाण्डौं – आर्थिक स्वतन्त्रता सूचांकमा नेपालको सकरात्मक सुधार देखिएको छ। क्यानडाको फ्रेजर इन्टिच्युटसँगको संयुक्त प्रयासमा समृद्धि फाउन्डेसनले जारी गरेको २०२०को वार्षिक प्रतिवेदनमा यस्तो कुरा उल्लेख गरिएको छ ।
व्यापार, व्यवसाय तथा आर्थिक क्रियाकलाप गर्न गत वर्ष भन्दा नेपालको स्तारोन्नती भएको प्रतिवेदनले औंल्याएको छ ।
विश्वका १६२ औँ देशमध्ये नेपाल १०९ औँ स्थानमा परेको छ । अघिल्लो वर्ष नेपाल ११० औँ स्थानमा रहेको थियो । यस वर्ष एक स्थान माथि उक्लदै नेपालले सो स्थान हासिल गरेको हो ।
प्रतिवेदन अनुसार नेपाल सरकारको आकार २०२० मा ६.९२ छ । यसअघि २०१९ मा ७.२२ रहेको थियो । यस्तै सम्पतीको अधिकारमा कानुनी व्यवस्थाका सूचांकमा यस वर्ष नेपालको सुधार देखिएको छ । २०१९ मा ४.५४ विन्दु रहेका थियो भने हाल ४.६४ मा उक्लेको छो । साउण्ड मनीको पहुँच सूचक र नेपाल ऋण, श्रम र व्यापारको नियमन सूचकमा पनि सुधार देखिएको हो । अन्तराष्ट्रिय व्यापारको स्वतन्त्रताको सूचांकमा पनि नेपाल माथि उक्लेर १११ स्थान हासिल गरेको छ ।
२०१८मा नेपाल १०२ स्थानमा रहेको थियो । सूची अनुसार अग्रस्थानमा रही हङकंग पहिलो र सिंगापुर दोश्रो स्थानमा छ । यसैगरी न्यूजील्याण्ड, स्विट्जरल्याण्ड, अमेरिका, अष्ट्रेलिया, मरिसस, जर्जिया, क्यानडा र आयरल्याण्ड शिर्ष १० स्थानमा रहेका छन् ।
विश्वको आर्थिक स्वतन्त्रमा भारत १०५ औँ स्थानमा छ भने चीन १२४ औँ स्थानमा रहेको छ । ( मेरोलगानी बाट )
