हिमाल महिला बहुउद्देश्यीय सहकारी संस्थाको साधारणसभा आजबाट शुरु

मकवानपुरगढी – मकवानपुरगढी गाउँपालिका वडा नम्बर ३ मा रहेको हिमाल महिला बहुउद्देश्यीय सहकारी संस्था लि. को २२ औं साधारणसभा वडावाईज रुपमा आजबाट शुरु भएको छ ।

वडा नं ४ को सामरी पुल बजारमा आज भएको साधारणसभा मकवानपुरगढी गाउँपालिका वडा नं ४ का वडा अध्यक्ष राम प्रसाद तिमल्सिनाको प्रमुख आतिथ्यता एवम् संस्थाका अध्यक्ष जानकी दाहालको अध्यक्षतामा सम्पन्न भएको हो ।

साबिक मकवानपुरगढी गाउँ विकास समितिको वडा नं १ देखी ९ अर्थात् हालको मकवानपुरगढी गाउँपालिकाको वडा नं १ देखी ४ सम्म यस सहकारीको कार्यक्षेत्र रहेको छ ।

कोभिड १९ संक्रमणको जोखिम कायमै रहेकोले वडावाईज रुपमा साधारणसभा आयोजना गरिएको संस्थाकी ब्यवस्थापक शुभद्रा घिमिरेले बताउनुभयो । साधारणसभा यहि आउँदो पौष १० गते मात्र समापन गरिने संस्थाकी अध्यक्ष जानकी दाहालले बताउनु भएको छ ।