चितवन/ नेपाल कम्युनिष्ट पार्टी (नेकपा) प्रचण्ड- माधब समुहका अध्यक्ष तथा पूर्वप्रधानमन्त्री पुष्पकमल दाहाल, प्रचण्डको गृहजिल्ला चितवनमा प्रधानमन्त्री केपी शर्मा ओलीको पक्षमा मानव सागर उर्लिएको छ ।
चितवनका जनताले प्रधानमन्त्रीको प्रतिनिधि सभा विघटनको निर्णयको स्पष्ट रुपमा स्वागत गरेको समेत देखिएको छ ।
आज नेकपा चितवन जिल्ला कमिटीले आयोजना गरेको जनसभामा मानवसागर नै उर्लिएको तस्विरहरुले देखाएको छ । नेकपाले प्रचण्ड माधव समुहको षडयन्त्रबारे जानकारी दिन आज सभाको आयोजना गरेको नेकपा चितवनले जनाएको छ ।
प्रधानमन्त्री ओलीलाई प्रमुख अतिथि बनाएर आयोजना गरेको जनसभामा गृहमन्त्री तथा नेकपाका सचिवालय सदस्य राम बहादुर थापा, बागमती प्रदेशका मुख्यमन्त्री एवं नेकपाका केन्द्रिय सदस्य डोरमणी पौडेल, नेकपा २ नं प्रदेश अध्यक्ष एवं मन्त्री प्रभु साह लगायतका नेताहरुको उपस्थिति रहेको छ ।
