काठमाडौं / संवैधानिक आयोगमा सिफारिस भएका पदाधिकारीको सपथ ग्रहण भएको छ ।
गत मंसिर ३० गते बसेको संवैधानिक परिषद्को बैठकबाट सिफारिस भएका संवैधानिक आयोगका पदाधिकारीलाई
बुधबार बिहान राष्ट्रपति कार्यालयमा राष्ट्रपति विद्यादेवी भण्डारीको उपस्थितिमा प्रधानन्यायाधीश चोलेन्द्रशमशेर जवराले शपथ ग्रहण गराउनु भएको हो।
सदस्यहरूलाई सम्बन्धित आयोगका अध्यक्षहरूले शपथ गराउनु भएको छ। सिफारिस भएका ४५ मध्ये ३२ जना पदाधिकारीले शपथ लिनु भएको छ।
संवैधानिक व्यवस्थाअनुसार संवैधानिक निकायका पदाधिकारी नियुक्ति गर्दा संसदीय सुनुवाई समितिबाट अनुमोदन हुनुपर्छ । यद्यपि, समितिले ४५ दिनसम्म निर्णय दिन नसकेमा भने नियुक्तिमा बाधा नहुने व्यवस्था संसदको संयुक्त बैठक र संयुक्त समिति नियमावलीमा उल्लेख छ ।
सरकारले गएको पुस ३० गते संवैधानिक परिषद्सम्बन्धी अध्यादेशमार्फत अध्यक्षसहित तीन सदस्य मात्र उपस्थित भए पनि निर्णय गर्न सक्ने व्यवस्था गरेर संवैधानिक निकायमा नियुक्तिको लागि सिफारिस गरेको थियो ।
