ओली पक्षको आमसभा प्रभावित पार्ने उद्देश्यसहित नेकपा प्रचण्ड–माधव समूहद्वारा आम हड्ताल घोषणा

काठमाडौं / नेपाल कम्युनिस्ट पार्टी (नेकपा) प्रचण्ड–नेपाल समुहले भोलि बिहीबार आमहड्तालको घोषणा गरेको छ ।
प्रचण्ड नेपाल समुहको केन्द्रीय संघर्ष समितिले बुधबार पत्रकार सम्मेलन गर्दै देशव्यापी आमहड्तालको घोषणा गरेको हो ।
सरकारले संवैधानिक निकायहरुमा गरिएको नियुक्तिको विरोध गर्दै प्रचण्ड नेपाल समुहले बिहीबार देशव्यापी आम हड्तालसहित नयाँ संघर्षका कार्यक्रम घोषणा गरिएको पत्रकार सम्मेलनमा नेतृ पम्फा भुसालले जानकारी दिइन् ।
यद्यपि, पर्सि २३ गते ओली पक्षको नेकपाको आमसभालाई समेत प्रभावित पार्ने लक्ष्यसहित भोलिको आम हड्ताल गरिएको केही नेताहरुले बताएका छन् ।