काठमाडौँ / प्रहरीले आमहड्ताल आयोजना गर्ने नेकपा प्रचण्ड- माधब समूहका नेता अष्टलक्ष्मी शाक्य, हितमान शाक्य लगायत नेता कार्यकर्तालाई नियन्त्रण लिएको छ ।
नेकपा स्थायी कमिटी सदस्य शाक्य, केन्द्रीय कमिटी सदस्य शाक्य, अमृता थापासहितका सयौ नेता कार्यकर्तालाई प्रहरीले कलंकी सहितको विभिन्न क्षेत्रबाट पक्राउ परेका छन ।
आमहड्ताल आव्हान गरिएसँगै विहानैदेखि काठमाडौं उपत्यकामा सवारी साधनहरुमा तोडफोड र आजगनी सुरु भएको छ । बन्दकर्ताले गोंगबुमा ट्याक्सीमा आगजनी गरेका छन् । बिहीबार बिहान प्रदेश ३-०१ ००२ ज ५८८१ नम्बरको ट्याक्सीमा आगजनी गरेको महानगरीय प्रहरी परिसर, काठमाडौंका प्रहरी वरिष्ठ उपरीक्षक अशोक सिंहले जानकारी दिए ।
त्यस्तै काठमाडौंका विभिन्न स्थानमा ५ भन्दा बढी ट्याक्सी, सुमो तथा बसमा तोडफोड भएको छ ।
संवैधानिक परिषद नियुक्तिका लगायतको कदमका विरुद्ध सो समूहले देशव्यापी आमहड्ताल आह्वान गरेको छ ।
