काठमाडौं/ प्रचण्ड- नेपाल नेतृत्वको नेकपाले आज गरेको देशव्यापी आमहड्तालको अध्यक्षद्वयले नै अवज्ञा गरेका छन ।
आमहड्ताल आव्हान गरेका अध्यक्ष दाहाल आफैंले बन्दको अवज्ञा गर्दै बा १७ च ३०७१ को ल्याण्ड क्रुजर गाडी चढेर ललितपुरको पुलचोक पुगेका थिए।
पुल्चोक पुगेर बन्दकर्ता सङै बीचसडकमा केही समय बसी चाउचाउ र चिउरा खाएका थिए ।
अर्का अध्यक्ष माधव नेपाल स्कुटरमा कोटेश्वर क्षेत्रको अवलोकन गर्न बन्द अवज्ञा गर्दै निस्किएका थिए ।
बन्द सफल पार्न भन्दै शीर्ष नेताहरू नै सडकमा ओर्लिएका छन्। हामहड्ताल सफल बनाउन प्रचण्ड-नेपाल समूहले काठमाडौंका प्रमुख स्थानमा नेतृत्व गर्न कमाण्डर नै तोकेको छ ।
बन्द सफल बनाउन भन्दै युवराज ज्ञवाली र अष्टलक्ष्मी शाक्य कलंकी, बेदुराम भुसाल बल्खु, देव गुरूङ सातदोबाटो, लीलामणि पोखरेल कोटेश्वर, हरिबोल गजुरेल र वर्षमान पुन चावहिल, शक्ति बस्नेत महारागञ्ज, भीम रावल गोंगबु, रघुजी पन्त बालाजु, नारायणकाजी श्रेष्ठ र जनार्दन शर्मा रत्नपार्क र पम्फा भुसाललाई पुल्चोकको कमाण्डरको जिम्मेवारी दिईएको बतएको छ ।
यसै क्रममा प्रहरीले विभिन्न स्थानबाट सयौ बन्दकर्ता नेता कार्यकर्ताहरुलाई नियन्त्रणमा लिएको छ।
प्रचण्ड-नेपाल समूहले संवैधानिक परिषदमा नियुक्ति गरेको विरोधमा बिहीबार आमहड्तालको आयोजना गरेको हो।
