मकवानपुरगढी- मकवानपुरगढी गाउँपालिका वडा नं ३, मक्रान्चुलीमा रहेको मनकामना दुग्ध उत्पादक सहकारी संस्था लि. का नवनिर्वाचित संचालक समिती तथा लेखा समिती लाई आज सपथग्रहण एवम् प्रमाणपत्र वितरण गरिएको छ ।
संस्थाको सभाहलमा भएको कार्यक्रममा नवनिर्वाचित संचालक समिती तथा लेखा समितीका पदाधिकारीहरुलाई निर्वाचन उपसमितिका संयोजक गोविन्द प्रसाद तिमल्सिना (शर्मा) ले सपथग्रहण गराएका थिए ।
कार्यक्रममा संस्थाका निवर्तमान अध्यक्ष कृष्ण प्रसाद दाहाल , पुर्व अध्यक्षहरु कृष्ण प्रसाद पोखरेल , तेज प्रसाद लम्साल , अनिरुद्र दाहाल , सानाकिसान कृषि सहकारी संस्थाका अध्यक्ष निर्मला लम्साल , संस्थाका पुर्व संचालक पदाधिकारीहरु लगायत कर्मचारीहरुको उपस्थिति रहेको थियो ।
सपथग्रहण पश्चात् कार्यक्रममा बोल्दै नवनिर्वाचित अध्यक्ष अर्जुन प्रसाद दाहालले संस्थालाई उभोगती तर्फ लैजान आफू सदैव लागिरहने बताउँदै यसमा सबैको साथ र सहयोग रहनेमा आफू विश्वश्त रहेको धारणा व्यक्त गरे ।
कार्यक्रमको संचालन निर्वाचन उपसमितिका सदस्य कृष्ण प्रसाद हुमागाईले गरेका थिए ।
माघ मसान्त भित्र निर्वाचन सम्पन्न गर्नेगरी संस्थाले गोविन्द प्रसाद तिमल्सिनाको संयोजकत्वमा गोकर्ण प्रसाद पराजुली र कृष्ण प्रसाद हुमागाई सदस्य रहने गरि निर्वाचन उपसमिति गठन गरेको थियो । समितिले तोकिएको समयावधिमा निर्वाचन सम्पन्न गरेको छ ।
