मकवानपुरगढी- बाँदरले दुख दिन थालेपछि मकवानपुरगढीका किसानहरुलाई गाउँपालिकाले बाँदर थपाउने उपकरण निशुल्क वितरण गर्ने भएको छ ।
गाउँपालिकाले चैत १ गते आइतबार एक सूचना जारी गर्दै निवेदन पेश गर्न भनेको हो । जस अनुसार बाँदर प्रभावित क्षेत्रका टोलविकास संस्था , सहकारी संस्था , कृषक समुह , कृषि फर्महरुले उपकरणको माग गर्न सक्नेछन् । माग गर्दा निवेदकले निवेदनको साथमा संस्था/समुहको हकमा उपकरण माग गरिएको बैठकको प्रतिलिपी , संस्था दर्ता , स्थायी लेखा नं तथा करचुक्ताको प्रतिलिपी , सम्बन्धित वडाको सिफारिस पत्रका साथ १५ दिन भित्रमा कागजपत्र पेशगर्नु पर्नेछ ।
गाउँपालिकाको आ.व. २०७७/०७८ को वार्षिक कार्यक्रम अनुसार कृषि विकास कार्यक्रम तर्फ बाँदर धपाउने उपकरण ब्यवस्थापन कार्यक्रम अन्तर्गत बाँदर प्रभावित क्षेत्रका किसानहरुलाई उपकरण वितरण गर्न लागिएको गाउँपालिकाले जनाएको छ ।
