मकवानपुर – भारतमा एक्कै दिन ३ लाख ४५ हजार जनामा कोरोना संक्रमण पुष्टि भएको छ । पछिल्लो २४ घण्टाको रेकर्ड अनुसार ३ लाख ४५ हजार १४७ जनामा संक्रमण पुष्टि भएको वर्ल्डोमिटरले जनाएको छ । यहि समयमा २ हजार ६ सय एक्काईस जनाको संक्रमणकै कारण मृत्यु भएको छ ।
यो रेकर्ड सँगै भारतमा कोरोना संक्रमण हुनेको संख्या १ करोड ६६ लाख २ हजार ४५६ जना पुगेको छ भने कोरोनाकै कारण मृत्यु हुनेको संख्या १ लाख ८९ हजार ५४९ रहेको वर्ल्डोमिटरको रेकर्डमा उल्लेख छ ।
यता नेपालमा हिजो एक्कै दिन २ हजार ४४९ जनामा संक्रमण पुष्टि भएको छ भने हिजो नै थप ५ जनाको संक्रमण कै कारण ज्यान गएको स्वास्थ्य मन्त्रालयले जनाएको छ ।
