हेटौंडा / मकवानपुरमा बैशाख २० गते (सोमबार) बिहानबाट निषेधाज्ञा लागु हुने भएको छ ।
जिल्लामा कोरोना संक्रमितको संख्या बढ्दै गएको र उच्च दरमा वृद्धि भैरहेको संक्रमण जोखिमलाई मध्यनजर गर्दै निषेेधाज्ञा लागू गरिएको हो ।
निषेधाज्ञा लागू गरिएको क्षेत्रमा अत्यावश्यक बाहेक आफु बसेको घरबाट बाहिर निस्कन पाईने छैन् ।
आज जिल्ला प्रशासन कार्यलय मकवानपुरमा बसेको कोभिड–१९ संक्रमण रोकथाम,नियन्त्रण तथा व्यवस्थापनको बैठकले कोरानोको दोस्रो लहरलाई रोकथाम तथा नियन्त्रण गर्न लागि स्वास्थ्य, सरसफाई, फोहर व्यवस्थापन तथा तोकिएका कार्य बाहेकका अन्य सम्पूर्ण दैनिक सेवा प्रवाहका कामलाई बन्द गरेको हो ।
जिल्लामा कोरोना संक्रमण नियन्त्रणभन्दा बाहिर जाने भएपछि निषेेधाज्ञा लागू गरिएको हो ।
बैठकले मकवानपुरको हेटौंडा उपमहानगरपालिका,थाहा नगरपालिका,मनहरी र भीमफेदी गाउँपालिका भित्र निषेधाज्ञा लागू हुनेछ ।
मकवानपुरका शनिवार सम्म सक्रिय संक्रमितको संख्या ५२४ पुगेको छ । शुक्रबार एकैदिन जिल्लामा १ सय ७७ जनामा कोरोना पुष्टि भएको थियो ।
