मकवानपुरगढी- अस्थायी कोभिड अस्पताल मक्रान्चुलीमा बिहीबार गरिएको कोभिड परिक्षणमा ३ जनाको रिपोर्ट नेगेटिभ आएको छ भने २ जना संक्रमित देखिएका छन् ।
बिहिवार जम्मा ५ जनाको एन्टिजेन विधि मार्फत कोभिड १९ परिक्षण गरिएकोमा वडा नम्बर ३ का एकै परिवारका १ जना महिला र १ जना पुरुषको रिपोर्ट पोजेटिभ आएको र उहाँहरुको स्वास्थ्य अवस्था सामान्य रहेको मकवानपुरगढी गाउँपालिका स्वास्थ्य शाखा प्रमुख ध्रुव प्रसाद लामिछानेले बताउनुभयो ।
मंगलबार १५ जनामा गरिएको परिक्षणमा ७ जनामा संक्रमण पुष्टि भएको थियो भने बुधबार ८ जनाको परिक्षण गरिएकोमा सबैको रिपोर्ट नेगेटिभ आएको थियो ।
हरेक दिन बिहान १० बजे देखी २ बजे सम्म परिक्षण गर्ने गरिएकोले संक्रमित ब्यक्तिका परिवारका सदस्य तथा लक्ष्यण देखिएका बिरामीहरुले परिक्षण गर्न स्वास्थ्य प्रमुख लामिछानेले अनुरोध समेत गर्नुभएको छ । साथै कुनै समस्या भएमा मोबाइल नम्बर ९८५५०६९१२९ मा फोन गर्न समेत लामिछानेले अनुरोध गर्नुभएको छ ।
