मकवानपुरगढी- मंगलबारको रिपोर्टमा मकवानपुरगढीका १४ जनामा कोभिड १९ को संक्रमण देखिएको छ । संक्रमण देखिएका मध्ये ४ जना महिला र १० जना पुरुष रहेका छन् ।
संक्रमण देखिनेमा हेटौंडा अस्पतालबाट प्राप्त २ र ३ गते संकलन गरिएको स्वावको PCR रिपोर्टमा वडा नम्बर २ मा १ जना महिला र ४ जना पुरुष गरि ५ जना यसैगरी वडा नम्बर ५ मा १ जना महिला र ४ जना पुरुष गरि ५ जनामा संक्रमण देखिएको छ । PCR रिपोर्टमा पोजेटिभ आएका १० जना मध्ये वडा नम्बर २ की महिलाको पुनः परिक्षण गर्दा पोजेटिभ रिपोर्ट आएको जनाइएको छ ।
यसैगरी मकवानपुरगढी गाउँपालिकाले खरिद गरि ल्याएको कोभिड १९ एन्टिजेन किटबाट गरिएको परिक्षणमा वडा नम्बर ५ मा २ जना महिला र २ जना पुरुष गरि ४ जनामा संक्रमण पुष्टि भएको गाउँपालिकाका स्वास्थ्य शाखा प्रमुख ध्रुव प्रसाद लामिछानेले बताउनु भएको छ ।
यसरी आज मात्र कुल १४ जना संक्रमीत थपिएको हुँदा यस गाउँपालिकामा सुरक्षा सतर्कता अझ कडाइसाथ पालना गर्नुपर्ने लामिछानेले बताउनु भएको छ ।
