मकवानपुरगढी- बुधबार मकवानपुरगढीका १४ जनामा कोभिड १९ को संक्रमण पुष्टि भएको छ । संक्रमण देखिएका मध्ये ५ जना महिला र ९ जना पुरुष रहेका छन् ।
संक्रमण देखिनेमा हेटौंडा अस्पतालबाट प्राप्त PCR रिपोर्टबाट वडा नम्बर २,३,५ र ७ का १-१ जना गरि ४ जना पुरुष र मकवानपुरगढीमा १६ जनामा गरिएको एन्टिजेन परिक्षणबाट वडा नम्बर ३ का २ जना महिला र १ जना पुरुष गरि ३ जना , वडा नम्बर ५ का १ जना महिला र ४ जना पुरुष गरि ५ जना , वडा नम्बर ६ का १ जना महिला र वडा नम्बर ८ का महिला १ जना गरि १४ जनामा संक्रमण देखिएको मकवानपुरगढी गाउँपालिका स्वास्थ्य शाखा प्रमुख ध्रुव प्रसाद लामिछानेले बताउनुभयो ।
बुधबारको रेकर्ड सँगै मकवानपुरगढीमा कोभिड १९ को दोस्रो लहरबाट कुल १०९ जना संक्रमित भएका छन् ।
संक्रमीत दिनदिनै धेरै बढिरहेको हुँदा आ-आफ्नो कार्यक्षेत्र भित्र कडाइसाथ स्वास्थ्य सुरक्षा सतर्कता अपनाउन लगाउने साथै होम आइशोलेशनमा बस्नुभएकाहरुको दैनिक फलोअप र आवश्यक परामर्श दिने, कुनै समस्या भएमा स्वास्थ्य शाखामा सम्पर्क गर्नुहुन सम्पुर्ण स्वास्थ्य संस्था प्रमुख एवम् स्वास्थ्यकर्मीहरूलाई स्वास्थ्य शाखा प्रमुख लामिछानेले अनुरोध गर्नुभएको छ ।
दैनिक १० भन्दा बढी संक्रमीत पहिचान भैरहेको हुँदा निषेधाज्ञाको पालना गर्नुहुन साथै रोगको शंका लागेमा तुरुन्त स्वास्थ्य शाखामा परिक्षणका लागि परामर्श लिन संक्रमीत एवम् सम्पूर्ण गाउँबासीमा लामिछानेले अनुरोध समेत गर्नुभएको छ । आजसम्मको पुर्ण तालिका विवरण :-
