मकवानपुरगढी- बिहिवारसम्म मकवानपुरगढीका ३३ जनाले कोभिड १९ को संक्रमणबाट मुक्ति पाएका छन् । आजै मात्र पनि ६ जना १४ दिन पार गरि संक्रमणमुक्त भएका छन् यसैगरी आजै ३ जनामा संक्रमित पुष्टि भएको छ । संक्रमण देखिएका मध्ये २ जना महिला र १ जना पुरुष रहेका छन् ।
संक्रमण देखिनेमा हेटौंडा अस्पतालबाट प्राप्त PCR रिपोर्टबाट वडा नम्बर ३ र ५ का १-१ जना गरि २ जना महिला रहेका छन् भने मकवानपुरगढीमा २ जनामा गरिएको एन्टिजेन परिक्षणबाट वडा नम्बर ३ का १ जना पुरुषमा संक्रमण पुष्टि भएको मकवानपुरगढी गाउँपालिका स्वास्थ्य शाखा प्रमुख ध्रुव प्रसाद लामिछानेले जानकारी दिनुभयो ।
बिहिवारको रेकर्ड सँगै मकवानपुरगढीमा कोभिड १९ को दोस्रो लहरबाट कुल ११२ जना संक्रमित भएका छन् । बिहीबारसम्ममा ३३ जना १४ दिन पुरागरी संक्रमणमुक्त भएका छन् । आज सम्म ७६ जना सक्रिय संक्रमित रहेको र संक्रमित मध्ये ७५ जना होमआईशोलेसन र १ जना अस्पतालमा उपचाररत रहेको स्वास्थ्य प्रमुख लामिछानेले बताउनुभयो ।
