मकवानपुरगढी- मकवानपुरगढीमा आइतबार ८ जनामा कोरोना संक्रमण पुष्टि भएको छ । आज संक्रमण देखिनेमा ४ जना महिला र ४ जना पुरुष रहेका छन् । आज पुष्टि भएका सबै मकवानपुरगढीमा गरिएका एन्टिजेन परिक्षणबाट संक्रमण पुष्टि भएका हुन् ।
हेटौंडा अस्पतालबाट प्राप्त भएको PCR रिपोर्टबाट गत २ गते र ८ गतेको छुट भएका समेत थप ३ जनामा संक्रमण पुष्टि भएको मकवानपुरगढी गाउँपालिका स्वास्थ्य शाखा प्रमुख ध्रुव प्रसाद लामिछानेले जानकारी दिनुभयो । यस अघि शनिबार PCR रिपोर्टबाट ३ जना संक्रमित भएका थिए भने १४ दिन पार गरि ३ जना संक्रमणमुक्त भएका लामिछानेले बताउनुभयो ।
आइतबारको रेकर्ड सँगै मकवानपुरगढीमा कोभिड १९ को दोस्रो लहरबाट कुल १३६ जना संक्रमित भएका छन् । आइतबारसम्ममा ४० जना १४ दिन पुरागरी संक्रमणमुक्त भएका छन् । यसै गरि आज सम्म ९५ जना सक्रिय संक्रमित रहेको र संक्रमित मध्ये ९१ जना होमआईशोलेसन, १ जना संस्थागत आइशोलेशन र ३ जना अस्पतालमा उपचाररत रहेको स्वास्थ्य शाखा प्रमुख लामिछानेले बताउनुभयो ।
