मकवानपुरगढी- मकवानपुरगढीमा सोमबार ८ जनामा कोरोना संक्रमण पुष्टि भएको छ । आज संक्रमण देखिनेमा २ जना महिला र १ जना पुरुष रहेका छन् ।
हेटौंडा अस्पतालबाट प्राप्त भएको PCR रिपोर्टबाट वडा नम्बर ३ का १ जना महिला र मकवानपुरगढीमा गरिएको एन्टिजेन परिक्षणबाट वडा नम्बर २ का १ जना महिला र १ जना पुरुष गरि जम्मा ३ जनामा संक्रमण पुष्टि भएको मकवानपुरगढी गाउँपालिका स्वास्थ्य शाखा प्रमुख ध्रुव प्रसाद लामिछानेले जानकारी दिनुभयो । यसैगरी १४ दिन पार गरि आजै ८ जना संक्रमणमुक्त भएका लामिछानेले बताउनुभयो ।
सोमबारको रेकर्ड सँगै मकवानपुरगढीमा कोभिड १९ को दोस्रो लहरबाट कुल १३९ जना संक्रमित भएका छन् । आइतबारसम्ममा ४८ जना १४ दिन पुरागरी संक्रमणमुक्त भएका छन् । यसै गरि आज सम्ममा सक्रिय संक्रमित मध्ये ९१ जना होमआईशोलेसन,१ जना संस्थागत आइशोलेशन र ३ जना अस्पतालमा उपचाररत रहेको स्वास्थ्य शाखा प्रमुख लामिछानेले बताउनुभयो । यसैगरी मकवानपुरगढीमा आज सम्ममा वडा नम्बर ५ र ८ का १-१ जना पुरुष गरि २ जनाको कोरोनाकै कारण मृत्यु भएको छ । हेटौंडा अस्पतालमा १ जना र भरतपुरको CMC अस्पतालमा १ जनाको उपचारको क्रममा मृत्यु भएको हो ।
