मकवानपुरगढी- मकवानपुरगढीमा मंगलबार १५ जना कोरोना संक्रमणबाट मुक्त भएका छन् । यसैगरी आज १ जनामा मात्र संक्रमण देखिएको छ । संक्रमीत हुनेमा वडा नम्बर २ का १ जना महिला रहेको र उनको एन्टिजेन परिक्षणबाट संक्रमण पुष्टि भएको मकवानपुरगढी गाउँपालिका स्वास्थ्य शाखा प्रमुख ध्रुव प्रसाद लामिछानेले जानकारी दिनुभयो । यसैगरी १४ दिन पार गरि आजै १५ जना संक्रमणमुक्त भएका लामिछानेले बताउनुभयो ।
मंगलबारको रेकर्ड सँगै मकवानपुरगढीमा कोभिड १९ को दोस्रो लहरबाट कुल १४० जना संक्रमित भएका छन् । आजका दिन सम्ममा ६३ जना १४ दिन पुरागरी संक्रमणमुक्त भएका छन् । यसै गरि आज सम्ममा ८६ जना सक्रिय संक्रमित रहेकोमा संक्रमित मध्ये ७४ जना होमआईशोलेसन,१ जना संस्थागत आइशोलेशन (गौरीटार) र २ जना अस्पतालमा ( १ जना हेटौंडा अस्पताल र १ जना CMC भरतपुर) उपचाररत रहेको स्वास्थ्य शाखा प्रमुख लामिछानेले बताउनुभयो ।
यसैगरी मकवानपुरगढीमा आज सम्ममा वडा नम्बर ५ र ८ का १-१ जना पुरुष गरि २ जनाको कोरोनाकै कारण मृत्यु भएको छ । हेटौंडा अस्पतालमा १ जना र भरतपुरको CMC अस्पतालमा १ जनाको उपचारको क्रममा मृत्यु भएको हो ।
सम्वन्धित समाचार
Add A Comment