मकवानपुरगढी- मकवानपुरगढीमा शुक्रबार कोरोना संक्रमण पुष्टि हुने र संक्रमणमुक्त हुनेको संख्या बराबर अर्थात् २-२ जना रहेको छ । संक्रमण पुष्टि हुनेमा १ जना पुरुष र १ जना महिला रहेका छन् ।
संक्रमित हुनेहरुमा वडा नम्बर ७ का १ जना महिला र १ जना पुरुष रहेका छन् । उनीहरू दुबै एन्टिजेन परिक्षणबाट संक्रमण पुष्टि भएको मकवानपुरगढी गाउँपालिका स्वास्थ्य शाखा प्रमुख ध्रुव प्रसाद लामिछानेले जानकारी दिनुभयो ।
यसैगरी गाउँपालिका भरमा आज २ जना १४ दिन पार गरि संक्रमणमुक्त भएका छन् ।
यो रेकर्ड सँगै मकवानपुरगढीमा कोभिड १९ को दोस्रो लहरबाट संक्रमित हुनेको संख्या १४७ पुगेको छ भने आजका दिन सम्ममा ७७ जना १४ दिन पुरागरी कोभिड संक्रमणमुक्त भएका छन् । यसै गरि आजको दिनसम्ममा ७० जना सक्रिय संक्रमित रहेकोमा संक्रमित मध्ये ६५ जना होमआईशोलेसन,१ जना संस्थागत आइशोलेशन (गौरीटार) र ३ जना अस्पतालमा ( २ जना हेटौंडा अस्पताल र १ जना CMC भरतपुर) उपचाररत रहेको स्वास्थ्य शाखा प्रमुख लामिछानेले बताउनुभयो ।
यसैगरी शुक्रबार सम्ममा मकवानपुरगढीका वडा नम्बर ५ र ८ का १-१ जना पुरुष गरि २ जनाको कोरोनाकै कारण ज्यान गएको छ । हेटौंडा अस्पतालमा १ जना र भरतपुरको CMC अस्पतालमा १ जनाको उपचारको क्रममा मृत्यु भएको हो ।
