संसद पुनर्स्थापना भए पुनःओलि नै प्रधानमन्त्री,ओलि हटाउने विकल्प चुनाव- कमल थापा

मकवानपुर – राप्रपाका अध्यक्ष कमल थापाले संसदको पुनर्स्थापना भएमा पुनःओलि नै प्रधानमन्त्री हुने बताएका छन् । सामाजिक सन्जाल ट्विटरमा ट्विट गर्दै थापाले सो कुरा बताएका हुन्।

थापाले अगाडि लेखेका छन् – दलहरूले साच्चै नै ओलिलाई प्रधानमन्त्रीबाट हटाउन खोजेका हुन् भने चुनाव नै उपयुक्त विकल्प हुन सक्ने कुरा दलहरुलाई सुझाएका छन् ।

थापाको ट्विट जस्ताको तस्तै – “चुनाव नै देशमा हाल विद्यमान संकट समाधानको उपयुक्त विकल्प हो भन्दा @PM_Nepal को पक्ष लिएको अर्थ लगाईन्छ।तर,ओलीले देश वर्वाद पारे, संविधान र लोकतन्त्र समाप्त पारे भनेर चर्को विरोध गर्नेहरू नै ओलीलाई निरन्तरता दिने बाटोमा लागेका छन्।यस अघि पनि यस्तै भयो।अब पनि त्यहि हुन्छ। ओली हटाउने सजिलो, छिटो र प्रजातान्त्रिक उपाय चुनाव छाडेर अदालत जानेहरूले बुझ्नुपर्छ,संसद पुनर्स्थापना भएमा पुन:ओली नै प्रम हुन्छन्।यो भविष्यवाणी होईन,संसदीय गणितले त्यहि भन्छ। संसद पुनर्स्थापना भएपछि एमालेको माधव/ खनाल समुहका वागी सांसदहरू पदमुक्त हुनु अवश्यंभावि छ। त्यस अवस्थामा एमाले र महन्थ ठाकुर समुहको गठवन्धन संसदमा बहुमतमा रहने छ।”