मकवानपुरगढी- मकवानपुरगढीमा बुधबार १६ जना कोभिड संक्रमणमुक्त भएका छन् । त्यस्तै नयाँ संक्रमित ७ जना थपिएका छन् ।
संक्रमण पुष्टि भई थपिनेमा वडा नम्बर ३ कि १ जना महिला र वडा नम्बर १ का ५ जना महिला र १ जना पुरुष रहेका छन् । उनीहरु मध्ये वडा नम्बर ३ कि १ जना महिलाको हेटौंडा अस्पतालमा गरिएको PCR परिक्षणबाट र वडा नम्बर १ का ६ जनाको एण्टिजेन परिक्षणमा संक्रमण पुष्टि भएको मकवानपुरगढी गाउँपालिका स्वास्थ्य शाखा प्रमुख ध्रुव प्रसाद लामिछानेले जानकारी दिनुभयो ।
यसैगरी गाउँपालिका भरमा आज १४ दिन पार गरि १६ जना संक्रमणमुक्त हुँदा आजसम्मको संक्रमणमुक्त हुनेको संख्या १०५ जना पुगेको छ ।
आजको रेकर्ड सँगै मकवानपुरगढीमा कोभिड १९ को दोस्रो लहरबाट संक्रमित हुनेको संख्या १६४ पुगेको छ। यसै गरि आजको दिनसम्ममा ५६ जना सक्रिय संक्रमित रहेकामा ५५ जना होमआईशन र १ जना हेटौंडा अस्पतालमा उपचाररत रहेको स्वास्थ्य शाखा प्रमुख लामिछानेले बताउनुभयो ।
यसैगरी बुधबार सम्ममा कोरोना कै कारण मकवानपुरगढीका ४ जनाको ज्यान गएको छ । वडा नम्बर ५ का १जना महिला र १ जना पुरुष गरि २ जनाको ज्यान गएको छ । यसैगरी वडा नम्बर ८ का १ जना पुरुष तथा वडा नम्बर ३ कि १ जना महिलाको पनि कोरोना कै कारण ज्यान गएको छ । उनीहरु मध्ये हेटौंडा अस्पतालमा २ जना र भरतपुरको CMC अस्पतालमा २ जनाको उपचारको क्रममा मृत्यु भएको हो ।
