हेटौंडा / जिल्ला प्रशासन कार्यालयले मकवानपुरमा जारी निषेधाज्ञा जेठ ३१ गतेसम्म लम्ब्याउने निर्णय गरेको छ ।
बुधबार बसेको कोभिड संकट ब्यवस्थापन समितिको बैठकले कोरोना संक्रमण अझ कमी नभएको भन्दै जेठ ३१ सम्म केही खुकुलो बनाई निषेधज्ञा थप्न प्रमुख जिल्ला अधिकारीलाई सिफारिस गरेको थियो ।
यसअघि जेठ २० गते रातिसम्मका लागि निषेधाज्ञा जारी गरिएको थियो । निषेधाज्ञालाई केही खुकुलो बनाउदै प्रशासनले तरकारी, फलफूल, दुग्ध पदार्थ, खाद्यान्नलगायतका सामग्री बिक्री वितरण गर्ने पसल बिहान ४ बजे देखि ८ बजेसम्म सञ्चालन गर्ने दिने निर्णय गरेको छ ।
त्यस्तै खोपे गल्लीको तरकारी पसल र बसपार्कको तरकारी मण्डी पूर्ण रुपमा बन्द गर्ने निर्णय भएको छ । यस्तै बैठकले बैंक तथा मनी ट्रान्सफरहरु आइतबार, मंगलबार र विहीबार बिहान १० बजेदेखि २ बजेसम्म सञ्चालन गर्न पाइने र अन्य वित्तीय कारोवार गर्ने संघ संस्था तथा सहकारीहरू पूर्ण रुपमा बन्द गर्ने निर्णय गरेको छ ।