मकवानपुरगढी- मकवानपुरगढीमा आइतबार १२ जना कोभिडका संक्रमित थपिएका छन् । थपिएका मध्ये PCR विधिबाट ८ जना र एन्टिजेन विधिबाट ४ जना थप भएका छन् ।
यसैगरी गाउँपालिका भरमा आज ९ जना संक्रमण मुक्त भएका छन् । कोभिडको दोश्रो लहरबाट अहिलेसम्ममा १९६ जना संक्रमित हुँदा १४ दिन पार गरि १३६ जना संक्रमणमुक्त भएका छन् ।
आजको रेकर्ड सँगै मकवानपुरगढीमा कोभिड १९ को दोस्रो लहरबाट सक्रिय संक्रमित रहेका मध्ये ५९ जना होमआईसोलेशन र ५ जना मक्रान्चुलीमा रहेको कोभिड अस्थायी अस्पतालको आइसोलेशनमा रहेको गाउँ पालिका स्वास्थ्य शाखा प्रमुख ध्रुव प्रसाद लामिछानेले बताउनुभयो ।
यसैगरी आज सम्ममा कोरोना कै कारण मकवानपुरगढीका ५ जनाको ज्यान गएको छ । वडा नम्बर ५ का १जना महिला र १ जना पुरुष गरि २ जनाको ज्यान गएको छ । यसैगरी वडा नम्बर ८ का १ जना पुरुष , वडा नम्बर ३ कि १ जना महिला र शनिबार मकवानपुरगढी वडा नम्बर २ का १ जना पुरुषको पनि कोरोना कै कारण ज्यान गएको छ । उनीहरु मध्ये हेटौंडा अस्पतालमा ३ जना र भरतपुरको CMC अस्पतालमा २ जनाको उपचारको क्रममा मृत्यु भएको स्वास्थ्य प्रमुख लामिछानेले बताउनुभयो ।
