मकवानपुरगढी- कोभिडको दोश्रो लहरबाट मंगलबार मकवानपुरगढीमा थप २ जना संक्रमित थपिएका छन् । थपिनेमा २ जना पुरुष रहेका छन् । यसैगरी आज कोहि पनि संक्रमणमुक्त भएका छैनन् ।
आज थपिएका संक्रमितमा वडा नम्बर ३ र ७ का १-१ जना पुरुष रहेका छन् । उनीहरुको मकवानपुरगढीमा गरिएको एन्टिजेन परिक्षणमा संक्रमण पुष्टि भएको गाउँपालिकाका स्वास्थ्य शाखा प्रमुख ध्रुव प्रसाद लामिछानेले बताउनुभयो ।
कोरोनाको दोस्रो लहरबाट हालसम्म मकवानपुरगढीमा संक्रमित हुनेको संख्या २३० पुगेको छ भने २०३ जना १४ दिन पार गरि संक्रमण मुक्त भएका छन् ।
आजको रेकर्ड सँगै मकवानपुरगढीमा कोभिड १९ को दोस्रो लहरबाट अहिलेसम्ममा सक्रिय संक्रमित २७ जना रहेका र ती मध्ये १८ जना होमआईसोलेशन र ५ जना मक्रान्चुलीमा रहेको कोभिड अस्थायी अस्पतालको आइसोलेशन सेन्टरमा तथा १ जना भरतपुर अस्पतालमा उपचाररत रहेको स्वास्थ्य शाखा प्रमुख लामिछानेले बताउनुभयो ।
कोभिडको दोश्रो लहरबाट मकवानपुरगढीका अहिलेसम्ममा २ जना महिला र ३ जना पुरुष गरि ५ जनाले ज्यान गुमाई सकेको लामिछानेले जानकारी दिनुभएको छ ।
