मकवानपुरगढी- कोभिडको दोश्रो लहरबाट बुधबारसम्म मकवानपुरगढीमा २३४ जना संक्रमित भएका छन् । जसमध्ये सबैभन्दा धेरै ३ नम्बर वडामा मात्रै ६६ जना संक्रमित भएका छन् । आज मकवानपुरगढीका ४ जनामा संक्रमण पुष्टि भएको छ । उनीहरु सबै महिला रहेका छन् ।
आज थपिएका संक्रमितमा वडा नम्बर ३ का २ जना महिला र वडा नम्बर ६ र ८ का १-१ जना महिला रहेका छन् । उनीहरु सबैको हेटौंडा अस्पतालमा गरिको PCR परिक्षणमा संक्रमण पुष्टि भएको गाउँपालिकाका स्वास्थ्य शाखा प्रमुख ध्रुव प्रसाद लामिछानेले बताउनुभयो ।
कोरोनाको दोस्रो लहरबाट मकवानपुरगढीमा हालसम्म संक्रमित हुनेको संख्या २३४ पुगेको छ भने २०५ जना १४ दिन पार गरि संक्रमण मुक्त भएका छन् ।
आजको रेकर्ड सँगै मकवानपुरगढीमा कोभिड १९ को दोस्रो लहरबाट अहिलेसम्ममा सक्रिय संक्रमित २४ जना रहेका र ती मध्ये २० जना होमआईसोलेशन र ३ जना मक्रान्चुलीमा रहेको कोभिड अस्थायी अस्पतालको आइसोलेशन सेन्टरमा तथा भरतपुर अस्पताल र हेटौंडा सिटि अस्पतालमा १-१ जना महिला उपचाररत रहेको स्वास्थ्य शाखा प्रमुख लामिछानेले बताउनुभयो ।
आज मक्रान्चुलीमा रहेको कोभिड अस्थायी अस्पतालको आइसोलेशन सेन्टरमा रहेका मध्ये २ जना डिस्चार्ज भएका छन् ।
कोभिडको दोश्रो लहरबाट मकवानपुरगढीका अहिलेसम्ममा २ जना महिला र ३ जना पुरुष गरि ५ जनाले ज्यान गुमाई सकेको लामिछानेले जानकारी दिनुभएको छ ।
हालसम्मको रेकर्ड अनुसार कोभिडको दोश्रो लहरबाट मकवानपुरगढीका २३४ जना संक्रमण भएका मध्ये वडा नम्बर ३ मा सबैभन्दा धेरै संक्रमित भएका छन् । वडा नम्बर ३ मा ६६ जना संक्रमित भएका हुन् । अन्य वडाहरुका संक्रमित हुनेमा वडा नम्बर १ मा २१ जना, वडा नम्बर २ मा २८ जना, वडा नम्बर ४ मा २५ जना, वडा नम्बर ५ मा ४९ जना, वडा नम्बर ६ मा ११ जना, वडा नम्बर ७ मा २२ जना र बडा नम्बर ८ मा १२ जना संक्रमित भएका छन् ।
