हेटौंडा / नवनियुक्त बागमती प्रदेश युवा परिषदका कार्यकारी उपाध्यक्ष सन्तोष चौलागाईंलाई राष्ट्रिय युवा संघ नेपालले स्वागत, बधाई तथा सम्मान गरेको छ ।
युवा संघ मकवानपुरले बागमती प्रदेश सरकार मन्त्रीपरिषदबाट कार्यकारी उपाध्यक्षमा नियुक्त चौलागाईंललाइ एमाले मकवानपुरको पार्टी कार्यालयमा एक समारोहको आयोजना गरी स्वागत , बधाई तथा सम्मान गरेको हो ।
राष्ट्रिय युवा संघ नेपाल मकवानपुरको अध्यक्ष लक्ष्मण उप्रेतीको अध्यक्षता एवं नेकपा एमाले मकवानपुरका अध्यक्ष एकलाल श्रेष्ठको प्रमुख आतिथ्यतामा भएको कार्यक्रममा जिल्ला युवा समिति मकवानपुरका अध्यक्ष शिबहरि दाहाल, नेपाल खेलकुद महासंघका केन्द्रिय उपमहासचिव धरम लामा, नेकपा एमाले मकवानपुरका जिल्ला कमिटीका सदस्यहरु तथा विभिन्न जनवर्गीय संगठनका प्रतिनिधिहरुको उपस्थिति रहेको थियो ।
