हेटौंडा / जिल्ला समन्वय समिति (जिसस) मकवानपुरकी सदस्य तथा नेकपा एमाले मकवानपुरकी नेतृ सानुकान्छी स्याङ्तानको निधन भएको छ ।
केहि समय अघिबाट कोरोना संक्रमणका कारण अस्वस्थ हुनुभएकी स्याङ्तानको आइतबार बिहान साढे ४ बजेको समयमा राक्सिराङ गाउँपालिका–३, सरिखेतस्थित घरमै निधन भएको हो ।
कोरोना संक्रमणका कारण हेटौंडा अस्पतालमा भर्ना गरि उपचार गरिरहेको भएपनि स्वास्थ्यमा जटिलता भएसँगै स्याङतानलाई थप उपचारका लागि भरतपुर लगिएको थियो । केहीदिन अघि नै कोरोना संक्रमणमुक्त भएपनि उहाँ निमोनियाबाट गम्भीर रुपमा प्रभावित हुनुभएको थियो ।
नेतृ स्याङ्तान नेकपा एमाले मकवानपुर, अनेमसंघ मकवानपुरकि जिल्ला सदस्य समेत हुनुहुन्थ्यो ।
नेकपा एमालेबाट राक्सिराङ गाउँपालिका–३ बाट वडा सदस्य निर्वाचित भइ जिल्ला समन्वय समितिमा सदस्यमा निर्वाचित स्याङ्तान सहकारी अभियान्ता समेत रहनुभएकी जिल्ला समन्वय समितिका प्रमुख रघुनाथ खुलालले जानकारी दिनुभयो ।
