हेटौंडा / मदन भण्डारी फाउण्डेशन मकवानपुरले फाउण्डेशनका संस्थापक अध्यक्ष श्रीचन्द्र शर्मा पौडेलको स्मृतिमा पुरस्कार स्थापना गर्ने निर्णय गरेको छ ।
जननेता मदन भण्डारीको ७०औं मदन जयन्तीका अवसरमा फाउण्डेशन मकवानपुरका अध्यक्ष रघुनाथ खुलालले “श्रीचन्द्र शर्मा स्मृति सम्मान पुरस्कार” स्थापना गर्ने घोषणा गर्नुभएको हो ।
नेपालको लोकतान्त्रिक र कम्युनिस्ट आन्दोलनमा फाउण्डेशनका संस्थापक अध्यक्ष शर्माको योगदानलाई चिरस्थाई राख्न “श्रीचन्द्र शर्मा स्मृति सम्मान पुरस्कार” स्थापना गर्ने निर्णय गरेको अध्यक्ष खुलालले बताउनुभयो ।
फाउण्डेशन मकवानपुरको बैठकले मकवानपुरको लोकतान्त्रिक आन्दोलनमा शर्माको योगदान अतुलनीय रहेको भन्दै उहाँको यागदानलाई जिवन्त राख्न पुरस्कार स्थापना गर्ने निर्णय गरेको थियो ।
फाउण्डेशनले स्थापना गरेको पुरस्कार मकवानपुरे लोकतान्त्रिक अन्दोलनमा बिशिष्ट योगदान पुर्याएका वक्तिलाई प्रदान गरिने बताइएको छ ।
लामो समय मकवानपुरे प्रगतिशील/ प्रजातान्त्रिक आन्दोलनको अगुवाइ गर्नुभएका शर्माले नेकपा एमालेको संगठन निर्माण एवं बिस्तारमा अगुवाइ गर्नुभएको थियो ।
शर्माको गत बैशाख २० गते निधन भएको थियो ।
