मकवानपुर – मोफसलमा रहेर पत्रकारिता गर्दै आएका तु-खबर डटकमका सम्पादक गिरिजा अधिकारी युवा पत्रकारिता पुरस्कार-२०७७ बाट सम्मानित हुने भएका छन् ।
प्रेस काउन्सिल नेपालले आज एक विज्ञप्ति जारी गर्दै पत्रकार अधिकारी सम्मानित हुने जानकारी गराएको हो । काउन्सिलको ५१ औं वार्षिकोत्सबको अवसरमा पत्रकार अधिकारीलाई भोलि एक कार्यक्रमका बिच प्रतिनिधि सभाका सम्माननीय सभामुख अग्निप्रसाद सापकोटाबाट रु. १५ हजार नगद सहित सम्मानित गरिनेछ ।
मोफसलमा रहेर सक्रिय पत्रकारिता गरे वापत अधिकारीलाई सम्मानित गर्न लागिएको हो । उनी अहिले बाग्मती प्रदेशको राजधानी हेटौंडाबाट संचालित तु-खबर डटकमका सम्पादक एवम् नेपाल पत्रकार महासंघ बाग्मती प्रदेशका सल्लाहकार समेत रहेका छन् ।
What’s your Reaction?
+1
+1
+1
+1
+1
+1
+1
