काठमाडाैँ / जनता समाजवादी पार्टीका केन्द्रिय सदस्य तथा प्रभावशाली नेता डा शिवजी यादव नेपाल कम्युनिस्ट पार्टी (नेकपा)मा प्रवेश गर्नुभएको छ ।
मंगलबार राति प्रधानमन्त्री निवास बालुवाटारमा प्रधानमन्त्री तथा नेकपाका अध्यक्ष केपी शर्मा ओलीको हातबाट खादा ग्रहण गर्दै नेकपा प्रवेश गर्नुभएको हो ।
डा यादवलाइ नेकपामा स्वागत गर्ने क्रममा उपप्रधानमन्त्री इश्वर पोखरेल र पूर्वमन्त्री एवं युवा संघका इन्चार्ज महेश बस्नेत पनि सहभागी हुनुहुन्थ्यो ।
जसपा नेपालमा डा. यादब कुशल संगठक मानिनुहुन्छ । जसपा नेपाल बन्नु अघि उपेन्द्र यादबले नेतृत्व गरेको संघीय समाजवादी फोरमको संसदीय दलमा प्रमुख सचेतक पनि हुनुहुन्थ्यो । कम्युनिष्ट पुष्ठभूमिबाट राजनीतिमा होमिनुभएका डा यादवले सिभिल इन्जिनियरिङमा विद्यावारिधि गर्नुभएको छ ।
उहाँले देश र जनताका लागि काम गर्ने केपि ओलि जस्तो नेता अर्को सय वर्ष नपाइने भन्दै ओली नेतृत्वको पार्टीमा समाहित हुन पाउँदा एकदमै खुशी लागेको बताउनुभएको छ । उहाँले मधेसका धेरै नेता कार्यकर्ता नेकपा प्रवेशका लागि तयार रहेको जानकारी दिनुभएको छ ।
