काठमाडौं / जनता समाजवादी पार्टीले संबिधान अनुरुप प्रतिनिधि सभा विघटन गर्ने प्रधानमन्त्री केपी ओलीको कदमलाई स्वागत गरेको छ।
जसपा अध्यक्ष महन्थ ठाकुर र वरिष्ठ नेता राजेन्द्र महतो पक्षले त्यसको स्वागत गरेको हो । ठाकुर र महतो सुरुदेखी नै निर्वाचनको पक्षमा थिए ।
जसपा नेता सर्वेन्द्रनाथ शुक्लाले प्रधानमन्त्रीले संविधानसम्मत ढंगले काम गरेकोले आफ्नो पार्टी ताजा जनादेशको पक्षमा रहेको जानकारी दिनुभयो ।
सरकारले जसपाले उठाएका मागहरु पुरा गर्दै अघि बढेकाले अव आफ्नो पार्टी सरकारमा जाने सक्ने शुक्लाको भनाई थियो । उहाँले प्रधानमन्त्रीसँग प्रतिनिधि सभा विघटनको विकल्प नभएको र प्रधानमन्त्रीले संविधानसम्मत ढंगले काम गरेकाले अब निष्पक्ष निर्वाचनका लागि सबैले सहयोग गर्नुपर्ने बताउनुभयो ।
सरकारले माग पूरा गर्दै गएकाले प्रधानमन्त्रीको ओली नेतृत्वको चुनावी सरकारमा जाने तयारीमा रहेको जसपाले जनाएको छ ।
