हेटौंडा / जिल्ला युवा समिती मकवानपुर र नगर खेलकुद बिकास समितीले गौरिटार आइसोलेसनमा स्वास्थ सामाग्री हस्तान्तरण गरेको छ ।
मदन भण्डारी स्वास्थ्य बिज्ञान प्रतिष्ठान अन्तर्गत गौरिटार आइसोलेसनमा स्वास्थ्य सामाग्रीको अभाव भएको जानकारी प्राप्त भए सङ्गै जिल्ला युवा समिती मकवानपुर र हेटौंडा उपमहानगरपालिका नगर खेलकुद बिकास समितीले पिपिइ, सेनिटाइजर, माक्स र गोब्स गरि ५० हजार बराबरको स्वास्थ्य सामाग्री गौरिटार आइसोलेसनमा हस्तान्तरण गरेको हो ।
आइसोसनमा रहेका कोरोना संक्रमित र स्वास्थकर्मीहरुको सुरक्षाको लागि स्वास्थ्य सामाग्री उपलब्ध गराइएको राष्ट्रिय युवा संघ नेपालका स्थाइ कमिटी सदस्य सन्तोष चौलागाईंले जानकारी दिनुभयो । उहाँले सृजनसिल कार्यको सुरुवात नै युवाहरुले गर्ने भएकाले कोरोना महामारी बिरुद्द सबै एकजुट भै अगाडि बढ्नुको बिकल्प नभएको बताउनुभयो ।
जिल्ला युवा समिती मकवानपुर अध्यक्ष शिबहरि दाहालले मकवानपुर जिल्लामा कोरोना महामारीको रुपमा दिनप्रतिदिन समुदाय स्तरमा फैलिरहेको र संक्रमितको संख्या पनि तिब्र रुपमा वृद्धि भैरहेकोले स्वास्थकर्मी र संक्रमितको सुरक्षाको लागि आइसोलेसनमा स्वास्थ सामाग्री हस्तान्तरण गरेको बाताउनुभयो ।
अध्यक्ष दाहालले जिल्ला युवा समिती मकवानपुरले कोभिड महामारी सुचना तथा सहजीकरण केन्द्रको गठन गरि काम समेत गरिरहेको बताउदै यस अघि हेटौंडा अस्पतालमा २ पटक गरि १०० थान अक्सिजन सिलिन्डर उपलब्ध गराइसकेको बताउनुभयो ।
कोभिड महामारीको अन्त्यको लागि सरकारले गरिरहेको प्रयासमा सबैले आफ्नो-आफ्नो स्थानबाट सहयोग र सहकार्य गर्नुपर्ने हेटौंडा उपमहानगरपालिका खेलकुद बिकास समितिका अध्यक्ष चन्द्र शाहिले बताउनुभयो ।
हस्तान्तरण कार्यक्रममा जिल्ला युवा समिती मकवानपुरका अध्यक्ष शिबहरि दाहाल, राष्ट्रिय युवा संघ नेपालका स्थाइ कमिटी सदस्य सन्तोष चौलागाईं, हेटौंडा उपमहानगरपालिका खेलकुद बिकास समितिका अध्यक्ष चन्द्र शाहि, अनेरास्ववियुका केन्द्रिय सदस्य किसन घिसिंङ, राष्ट्रिय युवा संघका केन्द्रिय नेताहरु कृष्ण लामिछाने, नरेन्द्र भण्डारी, बिश्वराज राइ, हेटौंडा लेडि जेसिजका अध्यक्ष प्रतिमा श्रेष्ठ, लगायतकाको उपस्थिति रहेको थियो ।
