मकवानपुर/ पोर्चुगलका फुटवल खेलाडी क्रिस्टियानो रोनाल्डोले एक पत्रकार सम्मेलनका दौरान कोकाकोलाका दुई बोतल पन्छाइदिएपछि कम्पनीको सेयर मूल्यमा ४ बिलियन डलर (लगभग ४ अर्ब नेपाली रुपैया) ले गिरावट आएको छ ।
सधैँ फिट रहने पोर्चुगलका कप्तान रोनाल्डो कार्बोनेटेड सफ्ट ड्रिन्क (कोकाकोला)बारे के सोच्छन् भन्ने उनको त्यो एक्सनबाट स्पष्ट भएको थियो । हंगेरीविरुद्धको खेलअघि पत्रकार सम्मेलनमा विश्व फुटबलका आइकन रोनाल्डोले कोकाकोलाका बोतल हटाएर पानीका बोतल रोजेका थिए । पानीको बोतल समाउँदै उनले ‘अग्वा’ भनेका थिए । उनले मानिसलाई कोकाकोलाको ठाउँमा पानी पिउन आम मानिसलाई प्रेरित गरेको प्रस्ट हुन्थ्यो ।
विश्वभर धेरै समर्थक र फलोअर भएका रोनाल्डले कोकाकोलाका बोतल हटाएर पानीको बोतल राखेसँगै यसको प्रत्यक्ष असर सेयर बजारमा परेको छ । युरो २०२० को प्रायोजकसमेत रहेको कोकाकोलाको सेयर मूल्य ५६.१० बिलियनबाट घटेर ५५.२२ बिलियनमा आएको छ । रोनाल्डोको त्यो संकेतलगत्तै १.६ प्रतिशतले घटेको सेयर मूल्य अहिले पनि निरन्तर ओरालो लागिरहेको छ ।