राक्सिराङ । गाउँपालिकाको विभिन्न विकट क्षेत्रबाट माध्यामिक शिक्षा परीक्ष (एसईई) मा सहभागी हुन परीक्षा केन्द्र झरेका बिद्यार्थीहरुलाई मकवानपुरको राक्सिराङ गाउँपालिकाकाले बुधबार खाद्यन्न सहयोग गरेको छ ।
बिहीबारबाट सुरु हुने एसईई परीक्षामा सहभागी हुन डेरा गरी बस्ने विद्यार्थीलाई पालिकाले अति आवस्यक खाद्यान्न सहयोग गरेको हो । गाउँपालिकाका अध्यक्ष राजकुमार मल्लले २०३ जना विद्यार्थीलाई प्रति विद्यार्थी साढे १२ किलो चामल, एक लिटर तेल, दाल र नुन उपलब्ध गराएको जानकारी दिए ।
पालिकाको धिराङ, गर्लिङ, सिलिङ्गे, खैराङलगायत विकट गाउँबाट एसईई दिनका लागी गाउँपालिका केन्द्र चैनपुर र ३ नम्बर वडास्थित सरिखेत झरेका विद्यार्थीलाई आर्थिक अभावका कारण खाद्यान्न जुटाउन समस्या गाउँपालिकाले सयोग गरेको अध्यक्ष मल्लको भनाई छ ।
खानेकुराकै समस्याका कारण विद्यार्थी एसईई परीक्षामा सहभागी नहोलान् भन्ने चिन्ताले परीक्षा अवधिभरका लागी आवस्यक खाधन्न जुटाइदिएको गाउँपालिकाका अध्यक्ष मल्लले बताए ।
यसअघिका वर्षहरुमा राक्सिराङ गाउँपालिकाका विद्यार्थीहरुले मनहरी गाउँपालिकामा रहेको रोटरी मावि र महेन्द्र मावि परीक्षा केन्द्रबाट परीक्षा दिँदै आएकोमा यस वर्षबाट भने राक्सिराङ ५ स्थित प्रजा जागृति मावि र राक्सिराङ–३ स्थित सूर्योदय मावि परीक्षा केन्द्रबाट परीक्षा दिने भएका छन् ।
यसवर्ष राक्सिराङ गाउँपालिकाका ५ वटा माध्यमिक विद्यालयबाट २८१ जना विद्यार्थीले एसईई परीक्षामा सहभागीता जनाउँने जानकारी दिँदै परीक्षा केन्द्र नजिक घर भएकाबाहेकका २०३ जना विद्यार्थीलाई मात्रै खाधन्न सहयोग गरिएको गाउँपालिकाका प्रमुख प्रशासकीय अधिकृत देवचन्द्र गर्तौलाले जानकार दिए ।
सम्वन्धित समाचार
Add A Comment