Shubhasamya.com

 एसीसी १६ वर्षमुनिको इस्ट जोन कपको उपाधि जितेको नेपाली टोलीलाई नेपाल क्रिकेट सङ्घ (क्यान)ले जनही ५० हजार रुपैयाँ दिने भएको छ।

खेलाडी र अफिसियललाई नगदसहित पुरस्कृत गरिने क्यानका कोषाध्यक्ष रोशनकुमार सिंहले घोषणा गर्नुभएको छ ।

गएको मङ्गलवार मलेसियामा भएको फाइनलमा घरेलु टोलीलाई २ सय २१ रनले हराउँदै नेपालले इस्ट जोन कपको उपाधि जितेको थियो । नेपालले यसअघि सन् २०१७ र २०१९ मा १६ वर्षमुनिको इस्टर्न रिजनको उपाधि जितेको थियो ।

नेपालको यो ह्याट्रिक जित हो ।