बागमती प्रदेशका मुख्यमन्त्री समक्ष एमालेका पाँच जना मन्त्रीहरुको राजिनामा, सरकारलाई दिएको समर्थन फिर्ता

नेकपा एमाले बागमती प्रदेश सरकारबाट बाहिरिएको छ । केन्द्रमा बनेको नयाँ समीकरणसँगै सोमबार एमालेका मन्त्रीहरुले मुख्यमन्त्री शालिकराम जम्कट्टेललाई सामुहिक रुपमा राजीनामा बुझाएका हुन् ।

मुख्यमन्त्री  जम्कट्टेललाई साेमबार एमाले बागमती प्रदेश संसदीय दलका नेतासमेत रहेका आर्थिक मामिला तथा याेजनामन्त्री जगन्नाथ थपलियासहित पाँच जना मन्त्रीहरूले हेटाैंडा-२, स्थित मुख्यमन्त्री तथा मन्त्रिपरिषद् कार्यालय पुगेर समर्थन फिर्तासहित संयुक्त राजीनामा बुझाएका छन् ।

राजीनामा दिनेमा एमाले संसदीय दलका नेता एवम् आर्थिक मामिला तथा योजना मन्त्री जगन्नाथ थपलिया, वन तथा वातावरण मन्त्री केशवप्रसाद पोखरेल, स्वास्थ्य मन्त्री रामेश्वर श्रेष्ठ, खानेपानी ऊर्जा तथा सिँचाइ मन्त्री एकालाल श्रेष्ठ र उद्योग वाणिज्य भूमि तथा प्रशासन मन्त्री प्रकाश श्रेष्ठ छन् ।

प्रदेशका मुख्यमन्त्री जम्मकट्टेलले भने राजिनामा नदिने र विश्वासको मत लिने बताए । एक महिना सम्म नबस्ने र संसदबाट विश्वासको मत नपाएमा मात्र सरकारको नेतृत्व छोड्ने उनले बताए ।
अल्पमतको सरकार भएकाले अब दिर्घकालिन निर्णयहरु नगर्नका लागि एमाले बागमती प्रदेशका संसदीय दलका नेता जगन्नाथ थपलियाले बताए । यस प्रदेशमा सबै दल मिलेर सहमतीय सरकार गठन गर्नका लागि आवहान समेत गरे ।
मुख्य समाचार राजनीति समाचार