Shubhasamya.com

सडक डिभिजन कार्यालयद्वारा सामरी खोलाको किनारमा भइरहेको रिटेनिङ्ग वाल निर्माणको क्रममा सामरी समवेल तथा बुङ्गदल मुहानबाट वितरणका लागि विच्छाइएको १४ इन्चको करिब १५ मिटर लामो डिआई पाइपमा क्षति पुगेको हो ।

बोर्डका सूचना अधिकारी सञ्जय कुमार न्यौपानेका अनुसार हाल उक्त पाइपको मर्मत कार्य तीव्र गतिमा भइरहेको छ । यद्यपि, बिहिवार  साँझदेखि शुक्रबार  बिहानसम्म हरिकुञ्ज पानी टंकीमार्फत वितरण हुने क्षेत्रहरूमा खानेपानी आपूर्ति पूर्ण रूपमा अवरुद्ध रहनेछ ।  खानेपानी आपूर्तिमा समस्या आउने मुख्य क्षेत्रहरूमा हेटौंडा नगरको मुख्य बजार क्षेत्र पर्छ ।

बोर्डले मर्मत कार्य सकेसम्म छिटो सम्पन्न गरी आपूर्ति नियमित बनाउने प्रयास गरिरहेको जनाएको छ ।  बोर्डले उपभोक्ताहरूलाई वैकल्पिक व्यवस्था मिलाउन आग्रह गर्दै असुविधाका लागि क्षमा याचना गरेको छ ।