Shubhasamya.com

सरकारले प्लाष्टिकका झोला उत्पादन, बिक्री वितरण तथा प्रयोगमा पुनःकडाइ गर्ने भएको छ । 
बन तथा बातावरण विभागले आगामी भदौ १ देखि४० माइक्रोनभन्दा पातलो प्लाष्टिक झोला उत्पादन, विक्रिवितरण वा प्रयोग गर्न प्रतिबन्ध लगाउन भएको हो । 
यसअघि पनि वन तथा वातावरण विभागले प्लाष्टिक झोला उत्पादन, बिक्री वितरण तथा प्रयोगमा कडाइ गरेको थियो । तर कोरोनाका बेला अनुगमन फितलो हुँदा प्लाष्टिक झोला उत्पादन र प्रयोग वृद्धि हुँदै गएको विभागको भनाइ छ । 
अब भने ४० माईक्रोनभन्दा पातलो प्लाष्टिक झोला उत्पादन, आयात, बिक्रीवितरण तथा प्रयोगलाई कडाईका साथ अनुगमन गरिने र अनुगमनका समयमा नेपाल सरकारको निर्णय विपरित काम गरेको पाईएमा वातावरण संरक्षण ऐन, २०७६ र वातावरण संरक्षण वन नियमावली, २०७७ बमोजिम कारबाही गरिने विभागका महानिर्देशक नमराज घिमिरेले दावी गरे । 
सरकारले २०७८ असोज १९ मै राजपत्रमा सूचना निकालेर ४० माइक्रोनभन्दा पातलो प्लाष्टिक झोला उत्पादन तथा प्रयोग गर्न प्रतिबन्ध लगाएको थियो । यस्तै २०७८ माघ १७ को मन्त्रिपरिषद निर्णयले प्लाष्टिक झोला प्रतिबन्ध सम्बन्धीको कार्ययोजना स्वीकृत गरेको थियो ।
४० माइक्रोनभन्दा पातलो प्लाष्टिक प्रयोगले वातावरणमा प्रतिकूल प्रभाव पारेको, खोला तथा नदीहरू प्रदूषित भएको, ढल तथा पानीका निकासका पाइपमा जम्मा हुन गई ढल निकासमा बाधा पुगेको विभागले बताएको छ ।