Shubhasamya.com

सम्मानजनक शक्ति बाँडफाँट भए जनता समाजवादी पार्टी सरकारमा जाने भएको छ ।
जसपाको राजनीतिक समितिको बैठकले सम्मानजनक शक्ति बाँडफाँट भए सरकारमा जाने र नभए सरकारलाई समर्थन मात्रै गर्ने निर्णय गरेको हो । 
बैठकले विभिन्न दल तथा संगठनसँग एकता तथा गठबन्धनसम्बन्धी वार्ताका लागि पार्टीको केन्द्रीय कार्यकारिणी सदस्य राजेन्द्र श्रेष्ठको संयोजकत्वमा रकम चेम्जोङ र गोविन्द चौधरी सदस्य रहेको वार्ता समिति, चुनावमा अन्तर्घात गर्ने संघीय परिषद् र केन्द्रीय सदस्यहरुबारे छानबिन गर्न शिवलाल थापाको नेतृत्वमा पाँच सदस्यीय समिति र विधान अधिवेशनका लागि विधानको मस्यौदा गर्न अध्यक्ष उपेन्द्र यादवको नेतृत्वमा ११ सदस्यीय विधान मस्यौदा समिति गठन गरेको प्रवक्ता मनिषकुमार सुमनले जानकारी दिए ।