Shubhasamya.com

 नेकपा एमालेका  देवराज घिमिरेले सत्ता गठबन्धनबाट सभामुखमा उम्मेदवारी दर्ता गराएका छन्। बुधबार दिउँसो संघीय संसद् भवनमा पुगेर घिमिरेले सभामुखमा उम्मेदवारी दर्ता गराएका हुन्। 

सुवास नेम्वाङ प्रस्तावक र गृहमन्त्री रवि लामिछाने, ऊर्जामन्त्री राजेन्द्र लिङदेन र माओवादी केन्द्रका प्रमुख सचेतक हितराज पाण्डे समर्थक रहेका छन्।

प्रतिनिधिसभामा समामुखको निर्वाचन माघ ५ गते (भोलि) हुँदै छ। प्रतिनिधिसभा बैठक पनि भोलि बिहान ११ बजेका लागि बोलाइएको छ।

एमाले स्थायी कमिटी सदस्य घिमिरे पहिलोपटक झापा क्षेत्र नम्बर २ बाट प्रतिनिधिसभामा निर्वाचित भएका हुन्। हाल एमाले प्रदेश नम्बर १ को पार्टी इन्चार्जको भूमिकामा रहेका उनले २०५६ सालमै राष्ट्रियसभाको सांसद भएका थिए।