Shubhasamya.com

हेटौँडा – योगी नरहरीनाथको १०७ औँ जन्मजयन्तीका अवसरमा हेटौडा एकेडेमी आवासीय माध्यमिक बिद्यालयले आज सोमबार एक कार्यक्रम आयोजना गरि मनाएको छ।

हेटौडा-११ नवलपुर स्थित बिद्यालय परिसरमा रहेको नरहरीनाथको प्रतिमामा बिद्यालयकी प्राचार्य गौरीदेबी चिमरियाले फूल-माला ,अबिर र पुष्प गुच्छा अर्पण गर्नु भएको हो । कार्यक्रममा बिद्यालयका शिक्षक तथा विद्यार्थीहरुको उपस्थिति रहेको थियो ।

कार्यक्रमा बोल्दै चिमरियाले योगी नरहरीनाथको बारेमा विधार्थीलाई जानकारी दिनकै लागि भए पनि बर्सेनी यसरीनै जन्मजयन्ती मनाउने गरेको बताउनु भयो ।

कार्यक्रममा बिद्यालयकी छात्रा वर्षा स्याङ्तानले योगी नरहरीनाथको बारेमा वर्णन गरेकी थिइन् ।

योगी नरहरिनाथ विसं. १९७१ कालिकोट जिल्लाका नरहरिनाथ गाउँपालिका ८ लालुमा जन्मिएका हुन्। विसं. २०५९ सालमा काठमाडौं पशुपति मृगस्थलीमा उनको मृत्यु भएको थियो। योगी आध्यात्मिक, इतिहासकार हुन। आजीवन अन्वेषक रहेका योगीका थुप्रै पुस्तकहरू बजारमा आएका छन्।