मकवानपुरमा एमालेको वडा अधिवेसनः ९७ वडाहरुमा वडा कमिटि गठन, केहिमा हुदै

हेटौंडा / नेपाल कम्युनिष्ट पार्टी (एमाले) मकवानपुर जिल्ला कमिटी अन्तर्गत जिल्लाको १० वटै पालिकाका वडाहरुमा वडा अधिवेशन सम्पन्न भएको छ ।

वडा अधिवेशनले मकवानपुरको ९७ वडाहरुमा नयाँ नेतृत्व चयन गर्दै नयाँ वडा कमिटिहरु गठन गरेको छ। हिजो एकै पटक एकै साथ मकवानपुरका सबैजसो वडामा अधिवेसन सम्पन्न भएको र सबैजसो वडामा सर्वसम्वत चयन गरेको एमाले मकवानपुरका सचिब एकालाल श्रेष्ठले वताउनुभयो ।

एमालेको विधान महाधिवेशनबाट पारित विधानअनुसार वडा स्तरमा कमिटि बनेका छन् । पार्टीको केन्द्रिय कमिटी र प्रदेश कमिटीले पठाएको आन्तरिक सर्कुलर र निर्देशन अनुसार संविधान जारी भएपछि नयाँ संरचनामा अधिवेशन हुन लागेकाले पालिका र वडा अधिवेशनलाई पहिलो अधिवेशन मान्न निर्देशन दिइएको थियो ।