मकवानपुरको पश्चिमी क्षेत्र मनहरी गाउँपालिका वडा नम्वर १ का वडाध्यक्ष शिवप्रसाद खनाल कक्षा १२ को परीक्षामा उत्तीर्ण भएका छन् ।
राष्ट्रिय परीक्षा बोर्डले शुक्रबार सार्वजनिक गरिएको कक्षा १२ को परीक्षामा वडाध्यक्ष खनालले २ दशमलव ४ जीपीए ल्याएर उत्तीर्ण भएका हुन् ।
५२ वर्षीय उनले निर्मल बहुमुखी क्याम्पस बस्तिपुरबाट कक्षा १२ को परीक्षा दिएका थिए । यो उमेरमा जनताको सेवक गर्दै अधुरो शिक्षालाई पूरा गर्न लागेका उनी उदाहरणीय पात्र बनेका छन् ।
२०५६ सालमा एसएलसी परीक्षा उत्तीर्ण गरेका खनालले पढ्ने चाहना र इच्छा हुँदाहुँदै घरको परिस्थितिले गर्दा पढाइलाई निरन्तरता दिन सकेका थिएनन् ।
उनी अध्ययन गरिरहेको विद्यालय व्यवस्थापन समितिका अध्यक्ष समेत हुन् । उनले आफु वडाध्यक्ष भएपछि सो विद्यालयमा ११ र १२ कक्षा सञ्चालन गरेका थिए ।